Халыкара һәм муниципальара элемтәләр идарәсе

Идарә 2019 елда оеша. Ул Казан шәһәре Думасы аппаратының структур бүлекчәсе булып тора. Идарә эшчәнлегенең төп юнәлешләре түбәндәгеләр:

• Казан шәһәре Думасының, Казан муниципаль берәмлеге Башлыгының, Казан шәһәре Думасы органнарының халыкара һәм муниципальара хезмәттәшлек өлкәсендәге эшчәнлеген оештыру ягыннан тәэмин итү;  

• Казанның халыкара һәм муниципальара элемтәләрен үстерү, яңаларын булдыру;

• Казанның муниципальара хезмәттәшлек буенча халыкара һәм Россия оешмалары, шулай ук чит ил һәм Россия муниципаль берәмлекләре белән хезмәттәшлеге кысаларында чаралар әзерләү һәм уздыру;

• Казанның чит ил һәм Россия муниципаль берәмлекләре белән хезмәттәшлеге турында килешүләр, шартнамәләр һәм башка документлар проектларын әзерләү, шулай ук аларны имзалау кысаларында чаралар оештыру;

• халыкара һәм муниципальара хезмәттәшлек буенча программалар, килешүләр, шартнамәләр һәм башка документларны эшләүдә, гамәлгә ашыруда катнашу;

• Казанның халыкара һәм муниципальара оешмалар белән хезмәттәшлеген оештыру, халыкара һәм муниципальара проектларда, конкурсларда, программаларда һ.б. катнашу.