Татарстанда массакүләм чаралар үткәрүне тыячаклар

<h1></h1> <div> </div> <img src="https://kzn.ru/upload/iblock/eaa/DEN_7473_870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 27 нче февраль). Татарстанда коронавирус инфекциясе таралу сәбәпле, 28 нче февральдән массакүләм чаралар үткәрү тыела. Тиешле карарны ТР Премьер-министры Алексей Песошин <a href="https://pravo.tatarstan.ru/npa_kabmin/post/?npa_id=952421" target="_blank">имзалады</a>. </p> <p> Документта эпидемиологик вәзгыять яхшырганчы «әгәр дә башкасы әлеге карар белән билгеләнмәгән булса, гражданнар катнашында массакүләм чаралар уздыру» тыела диелә. </p> <p> Шулай ук Татарстан Сәламәтлек саклау министрлыгына Донецк һәм Луганск Халык Республикалары территорияләреннән китәргә мәҗбүр булган һәм Татарстан территориясенә вакытлыча килүче затларга COVID-19 га тест үткәрү йөкләнде. </p> <p> Исегезгә төшерәбез, 21 нче февральдән Татарстанда транспортта, сәүдә үзәкләрендә, җәмәгать туклануы йортларында һәм башка җәмәгать урыннарында QR-кодларны башка <a href="https://kzn.ru/meriya/press-tsentr/novosti/v-tatarstane-otmenili-proezd-na-transporte-i-poseshchenie-torgovykh-tsentrov-po-qr-kodam/" target="_blank">тикшермиләр</a>. </p>

2022-02-27T12:00:10+0300