Казанның яшүсмерләр клубларында бушлай чаралар узачак

Балалар өчен бию мастер-класслары, спорт ярышлары һәм шигъри кичә үткәреләчәк

Атна дәвамында Казанның яшүсмерләр клубларында бушлай мастер-класслар узачак. Яшь шәһәрлеләрне спорт һәм бию, шулай ук көзге шигъри кичәгә чакыралар.

Иртәгә «Яшьлек» клубында өстәл теннисы буенча турнир узачак. Яшүсмерләрне 16:00 да Годовиков урамындагы 16 йорт адресы буенча чакыралар. Алга таба 18:00 сәгатьтә «Зенит» клубында (Карбышев ур., 33) авиамодельләштерү буенча мастер-класс узачак.

Чәршәмбе көнне, 24 сентябрьдә, 17:00 сәгатьтә «Старт» клубы базасында (Побежимов ур., 53) сәламәтлек мөмкинлекләре чикләнгән балалар әти-әниләре белән бергә гамәли иҗат дәресләренә кушыла алачак. Шул ук көнне «Пазлы» клубында бию мастер-классы үткәреләчәк. Брейк-данс юнәлешен яратучыларны 18:00 сәгатькә Җиңү проспектындагы 62к2 бина адресы буенча чакыралар.

Яшь казанлылар үз өстәл уенын булдыра алачак. Мастер-класс «Лада» клубында (Гаврилов ур., 22) 25 сентябрьдә 17:00 сәгатьтә узачак, дип хәбәр итә «Яшүсмер» МБУ.

26 сентябрьдә 15:00 сәгатьтә «Лимонад» яшүсмерләр клубы (Латыш укчылары ур., 25) чүлмәкче сәнгатен яратучылар өчен үз ишекләрен ача. Ә 16:00 да «Союз» клубында бокс буенча мастер-класс уздырачаклар. Көрәш сөючеләрне Моторная урамындагы 31а бина адресы буенча көтәчәкләр. Җомга көнне «Талантика» клубында (Окольная ур., 94к1) акварель рәсем сәнгате буенча мастер-класс булачак.

Якшәмбе көнне, 28 сентябрьдә, «Идея микс» клубында (Декабристлар ур., 83) көзге шигъри кичә була. Катнашу өчен +7(937)288-82-32 телефоны буенча теркәлү узарга кирәк.

Шулай ук укыгыз

Барлык яңалыклар