Кадышта мобиль пунктта җиде хайван котырудан вакцинацияләнгән

Кадышта мобиль пунктта җиде хайван котырудан вакцинацияләнгән

<p> </p> <div class="detail-picture"> <img src="https://kzn.ru/upload/iblock/1e2/ebc9620f_2bcc_48a6_8680_5696d3331097.jpg"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 30-нчы июль). Бүген Казанда Авиатөзелеш районының Кадыш бистәсендә йорт хайваннарын вакцинацияләү һәм стерилизацияләүнең бушлай мобиль пункты эшләде, мәдәният йорты янында. Җирле халык ветеринарлар хезмәтеннән файдаланды: котыру авыруыннан җиде хайванга – дүрт эт һәм өч мәчегә прививка ясаттылар. Тагын алты эт һәм ике мәче стерилизация үтте. </p> <p> Вакцина һәм стерилизациянең мобиль пунктының төп юнәлеше – этләр белән эшләү, әмма халык гаризалары буенча ветеринарлар мәчеләр белән дә эшлиләр. Кадыш бистәсендә яшәүчеләр, мәсәлән, бүген этләрне дә, мәчеләрне дә ветеринарларга кабул итүгә актив алып килгәннәр. Хезмәтләрне алар тере чират тәртибендә алдылар. Барлык йорт хайваннарын хуҗаларның үтенече буенча да карадылар – вакцинацияләгәннәр һәм стерилизацияләгәннәр. Шулай ук казанлылар теләге буенча дүрт аяклы дусларны чипларга яки колакларына бирка эләргә мөмкин иде. </p> <p> Исегезгә төшерәбез, мобиль пункт шәһәр бистәләрендә Казан мэры Илсур Метшин кушуы буенча эшли башлады. Хәзерге вакытта ветеринарларның бистәләргә якындагы айга чыгу графигы формалаша, ул халык гаризалары буенча төзеләчәк. Аларны Казан Башкарма комитетының торак-коммуналь хуҗалык комитетында: +7(843)590-04-26 телефоны буенча калдырырга мөмкин. </p> <p> Казанда барлыгы вакцинация һәм стерилизация пунктлары эшли башлаганнан бирле 79 хайванга операция ясаганнар, төрле инфекцияләрдән 50 эт һәм мәчегә прививка ясаганнар. </p>

2021-07-31T16:45:47+0300