Казанда паркларда стационар булмаган сәүдә объектларын урнаштыруга 5 млн сумлык 18 аукцион уздырылды

Җыелган акчалар шәһәрнең парклар һәм скверларын үстерүгә тотылачак.

(Казан шәһәре KZN.RU 28-нче май, Ксения Швецова). Казанда паркларда һәм скверларда стационар булмаган сәүдә объектларын урнаштыруга уздырылган беренче аукционнарның нәтиҗәләре чыгарылды. Бүгенге көндә 18 аукцион тәмамланды. Аерым лотлар буенча сәүдә объектын урнаштыру бәясе 20, хәтта 25 тапкыр артты. Бу хакта бүген эшлекле дүшәмбедә “Парклар һәм скверлар дирекциясе” МБУ директоры Алсу Сәетова хәбәр итте.

Барлык лотлар буенча да башлангыч бәянең уртача үсеше 730% тәшкил итте. Сәетова сүзләре буенча, лотларның башлангыч бәясе 1,5 млн сум тәкил иткән булса, тулай керем 5 миллион 300 мең сумга җитте. Уйнатылган объеклар буенча эшмәкәрләр эшкә кереште.

Эшмәкәрләр арасында иң популяр нокталар Горький ис. паркта һәм Җиңү паркында урнашкан. Мәсәлән, Горький паркында кафе урнаштыру хокукы 59 мең 586 меңгә куелган иде, 613 меңгә сатылды. Җиңү паркында туңдырма сату ноктасы 20 мең 521 сумга куелган иде, 490 мең сумга сатылды.

“Горький паркы – безнең горурлыгыбыз, без анда бик күп эш башкардык. Башка паркларга да әлеге стандартларны кертергә тырышабыз”, - диде А.Сәетова.

Аукционда җыелган акчалар Дирекция хисабына күчә һәм җәмәгать киңлекләре үсешенә инвестицияләнә.